Ճարպոտ սննդի և քնկոտության միջև գոյություն ունի ուղիղ կապ. 1in.am

Ավստրալացի գիտնականների խումբը պնդում է, որ ճարպոտ սննդի օգտագործումը քնկոտության պատճառ է, հայտնում է UaToday-ը: Ինչպես բացատրել է հետազոտության հեղինակը՝ երկար ժամանակ ճարպոտ սննդի օգտագործումը հանգեցնում է աղիների աշխատանքի խանգարման, որի պատճառով ուժեղանում է նեյրոհորմոնների արտադրությունը, որոնք նպաստում են ուղեղի դանդաղ աշխատանքին: Արդյունքում՝ օրգանիզմի այդպիսի վիճակը կարող է հանգեցնել քնի և առողջական լուրջ խնդիրների:

Եթե մարդը քնում է օրական 7 ժամից ոչ պակաս, սակայն ցերեկվա ժամերին նա զգում է թուլություն և քնկոտություն, ապա նա պետք է վերանայի իր սննդակարգը և կրճատի ճարպոտ ուտելիքի օգտագործումը:

Հարցեր, պատասխաններ, մեկնաբանություններ